قصي الأمين ويشي في الأجهر: عمرو سعد من الشخصيات النادرة في التمثيل.. ومُنتقدي الألفاظ الخارجة في العمل عندهم حق عشان إحنا في رمضان |حوار

كشف الفنان قصي الأمين تفاصيل مشاركته في مسلسل “الأجهر”، الذي يُعرض في الماراثون الرمضاني الحالي 2023، ويؤدي بطولته الفنان عمرو سعد.

وقال قصي الأمين في تصريح خاص لـ”بصراحة”: اللي رشحني لشخصية ويشي هو الفنان عمرو سعد، ومبسوط جدًا بردود الفعل الإيجابية على شخصية ويشي وفرحان إني لقيت ناس كتير بحبني أنا اه بعمل تيك توك، لكن مكنتش معروف قد كده ومكنش ليا جماهيرية دي كلها، فالموضوع ده اداني باورإني أقدم كمان وكمان.

وأضاف: اللي بيربط الويشي وقصي أن الشخصيتين دمهم خفيف، وعمرو سعد من الشخصيات المحترمة والنادرة في مجال التمثيل أنا بقعد معاه قبل المشهد ويديني نصايح ولو عملت غلطة في مشهد بيعدل ويراجع معايا ويقولي ايه الصح والغلط، كان في أحساس أن الشخصية تنجح بس مكنتش متوقع 100%.

قصي الأمين يرد على انتقادات الأجهر

وعن انتقاده بسبب الألفاظ الخارجة في العمل، قال قصي: اتعاملت مع الموضوع ده بكل ترحاب والناس معاها حق ده لفظ خارج وإحنا في رمضان مكنتش حاجة لطيفة بس الحمدلله عدت.

صعوبات العمل

واستكمل: الصعب اللي واجهني في المسلسل بسبب مشاكل المناخ أما داخل المسلسل مكنش فيه مشاكل، وشايف موضوع التصوير في إفريقيا حاجة جديدة مش موجودة في السينما المصرية والعربية مش متعودين الاشكال دي من المسلسلات أو الأفلام.

وأختتم قصي قائلًا:في عمل في مصر بس لحد دلوقتي مجرد فكرة، والأجهر يعتبر أول عمل سينمائي ليا ومن سنة كنت عملت فيلم كده بس مش في الحسبان.

أبطال مسلسل الأجهر

مسلسل «الأجهر» يضم كوكبه ونخبه من النجوم أبرزهم: النجم عمرو سعد، دره، ساره سلامه، سيد رجب، عمرو عبد الجليل، أحمد صفوت، ناهد السباعى، مصطفى أبو سريع، انوشكا، أحمد مجدى، محمد جمعه، ندى بهجت، محمود قابيل، عارفه عبد الرسول، نور النبوى، بدريه طلبه، محمد جمعه، محمد التاجى، نهله سلامه، ياسر الزنكلونى، محمد عبد الجواد، علاء عوض، حمدى هيكل، حسنى شتا، محمد خميس، أحمد حبشى، قصى الأمين،وإخراج ياسر سامى.