"من حقي أجرب".. مايان السيد تردد على انتقادات دورها بمسلسل 1000 حمد الله ع السلامة

حرصت الفنانة مايان السيد على الرد على الانتقادات التي تعرضت لها بعد مشاركتها في مسلسل «1000 حمد الله عالسلامة»، الذي تلعب فيه دور ابنة الفنانة القديرة يسرا ضمن الماراثون الرمضاني 2023.

ونشرت مايان السيد عدد من الفيديوهات القصيرة التي ردت من خلالها عبر خاصية «ستوري» على موقع تبادل الصور والفيديوهات «انستجرام»، وقالت: «أنا قررت السنة دي، إن ليه ماجربش وليه مالعبش وأنا كنت حابه إن أنا أعمل ده وأني أخد ريسك وأجرب أعمل حاجه جديدة بعيدة عني شوية».

مايان السيد ترد على الانتقادات

وتابعت: «ممكن يكون ناس كتير شافوا إن دمي مش خفيف مثلًا أو إن أنا مش لايق عليا الكوميدي، وده من حقكم إن يبقي ليكم رأي وأنكم تعبروا عن الرأي ده طبعًا وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقي أحسن لأن أنا لسه بتطور ولسه مش بعتبر نفسي إن أنا خلاص بقيت فنانة أنا لسه بكبر ولسه بتعلم من الاساتذه اللي أنا بشتغل معاهم».

وأضافت «أنا فاهمة الانتقادات وفاهمة آراء الناس وأنا مستوعباها، وأنا يعني مش مغرورة عليها ولا شايفة نفسي إن أنا أحسن واحدة في الدنيا، أنا بس عايزة أقولكم من حق أي ممثل، إن هو يجرب ولو أنا ماكنش أحسن حاجة ليا السنة دي فإن شاء الله أتعلم وابقي أحسن وفيه ناس برضو حبيت سماح كندا، وأنا مبسوطة إن فيه ناس حبيت الشخصية وإن فيه ناس كتير بتتفرج على مسلسل 1000حمدالله عالسلامة ودي حاجة جميلة يعني».