بشرى: مش معقولة المرأة في السينما يا رقاصة يا فتاة ليل

تحدثت الفنانة بشرى عن رأيها في أدوار المرأة في السينما، وذلك خلال لقائها مع برنامج سبوت لايت على قناة صدى البلد.

وقالت بشرى خلال لقائها في: «صعب جدًا تنتج أفلاما عن المرأة عشان تتاجر بالمرأة وتبيع عشان عارف إن جمهور الستات كبير، وأن مواضيع الستات مطلوبة أو المنصات اللي طالباها».

وأضافت: «وفيه بعض المبدعين بيكونوا عايزين يحسنوا من وضع المرأة وساعات بيتم المتاجرة بالحاجتين».

تصريحات بشرى

وتابعت: «المرأة عاملة في الصناعة هي قليلة جدًا، فالمخرجات والمصورات عددهن قليل جدًا، وعندنا مشكلة أجور، الست أجرها قليل، ومبيتكتبش لها مواضيع كتير».

وأردفت: «كله عايز ينتش ويجري هي دي سياسة العصر في كل حاجة، محدش عايز يتعب في حاجة، محدش عايز يعمل مجهود، محدش عايز يحكي قصة حد أو يحكي عن قصة دكتورة أو ست بتتعب على أولادها، فالسينما عندنا حاليًا أشبه بالوجبات السريعة».

واستطردت: «مش معقولة المرأة المصرية يا رقاصة يا فتاة ليل، النقطة ميبقاش التناول رخيص ومفيهوش جودة أو حبكة أو مضمون».