نهى العمروسي: اتقال عليا صايعة رغم أني اتربيت في بيت متدين وشيوعي

كشفت الفنانة نهى العمروسي، تفاصيل كثيرة عن طفولها، والبيئة التي نشأت فيها وسط عائلتها التي كانت تمتلك الكثير من الوعي.

وقالت نهى العمروسي خلال لقائها مع الإعلامية أميرة بدر ببرنامجها “Vip” المذاع على شاشة قناة “هي”: أتربيت في بيت عيلة بيت مفتوح، أنا قضيت طفولة سعيدة جدًا ، كنت محظوظة بأني من عيلة عندها وعي ومثقفة وبتشرع قوانين وكنت بسمع مناقشات وأنا صغيرة في السياسة والقوانين، وعندي فيها كل الفئات شيوعيين، ومتدينين أوي، وكل الأفكار كانت بتتقال حوليا.

نهى العروسي: لما كنت بركب موتوسيكلات وأنافي 3 أعدادي

واستكملت نهى العمروسي حديثها: عودوني على القراءةمنهم أختي الكبيرة، ولما كبرت حسيت أنهم كونوا وجداني وخلوا عندي وعي، وعديت بحاجات صعبة كتير، وطول عمري مكنتش بتفهم صح ولحد دلوقتي دي صعوبتي في المجتمع، يعني مثلا كنت بركب موتسيكلات وأنا عندي 11 سنة، ودايمًا يشوفوني صايعة، وكان عندي موتسيكل وأنا في 3 إعدادي.

وتابعت نهى العمروسي: جدي وخالي غرسوا فيا حتة الحرية، وميكنش عندي حاجة مقيداني، وعندي حرية الفكر، أنا اللي أحدد حريتي لحد فين، وحرية الفكر غير التصرف، وأنا كسرت الحاجز بتاع المجتمع لما ركبت الموتسيكل.

‎ برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.