لقاء الخميسي عن استبعاد محمد عبد المنصف من المنتخب: راجل قوي والظروف تحالفت ضده

علقت النجمة لقاء الخميسي، على استبعاد زوجها، محمد عبد المنصف، حارس مرمى نادى وادى دجلة، من قائمة المنتخب استعدادًا للمشاركة فى مباراتى كينيا وجزر القمر ضمن منافسات تصفيات أمم أفريقيا بالكاميرون 2021.

وكتب لقاء الخميسي عبر حسابها بموقع "إنستجرام": "عمري ماكان ليا في الكورة.. وإنما بعد جوازي تابعت واتفرجت مع اوسه كتير وكنت معاه خطوه بخطوه في مشواره".

وتابعت: "وكلمتي دي كلمة حق مالهاش اي علاقة بإنه زوجي.. كلمتي دي عن راجل قوى ولاعب كوره مميز جدا وعنده اصرار والصفة الوحيدة التي لا تميزه اللؤم والضرب من تحت لتحت.. رجل واضح مجتهد نضيف .. وبما إنه نضيف تحالفت كل الظروف عليه".

اقرأ أيضًا:مفاجآت قائمة البدري.. استبعاد السعيد والشحات وصبحي وانضمام حارس غير متوقع

واردفت: "نبتدي بإنه كان بيلعب في نادي كبير وعريق نادي الزمالك وكان معاه جول اخر في نفس السن وكان دائماً صراع مين هايلعب وكان اوسه جاي من نادي مزارع دينا وقدامه عرض الزمالك والاهلي وكان من اهم الاجوال الشباب واوسه اختار الزمالك".

وأضافت:"ظروف لا يحتملها اي انسان وضغط نفسي طول الوقت تعرض له اوسه وكم مخيف من المضايقات الكتير من بعض من الجمهور الكاره او مدفوع الاجر او المزقوق.. وباقول بعض علشان ماحدش يطلع يقول انا باعمم لان دي مش حقيقه في جمهور كبير محترم".

وأكملت لقاء الخميسي: "بما ان الشر احيانا كتير بيكسب في الاول وبما ان المقاومه هي الحل الأمثل، اوسه قاوم وكمل وعافر وتحمل اللي ماحدش يتحمله وشال كتير الي ان جه وقت الانصاف عند رحيل اوسه من القلعه البيضاء ومحاولاته الدائمة واصراره على تكملة حلمه وحبه الاول الكوره وايمانه بنفسه".

اقرأ أيضًا:«أنا مصري والله العظيم».. أول تعليق من محمد إبراهيم على قائمة المنتخب

واستكملت: "تألق اوسه وهو في اجواء نفسية مناسبة وايمان المدربين الاجانب به وعدم تحيزهم لاحد لانهم مالهمش حسابات غير شغلهم .. رحلة اوسه تستحق كل الاحترام والتقدير".

وأكدت لقاء الخميسى على أن محمد عبد المنصف الأن فى كامل تألقه وقادر على حماية عرين المنتخب المصرى، ويستحق التواجد.

وتسائلت: "امتى مش هايبقى في حسابات انسانيه في الشغل، امتى هايبقى الفيصل هو الاداء ومن يستحق.. امتى هانخرج عواطفنا بره منظومة العمل في كل مجالات مصر مش بس الكوره.. اللي حصل دا ظلم كبير.. احنا محتاجين نتغير ونُعطي كل ذي حقٍ حقه".

واختتمت:" اوسه من غير المنتخب برده مكمل في النجاح بس احساس وجوده في منتخب مصر ليه رونق وطعم تاني وشرف لكل لاعب واوسه يستحق".