تامر عبد المنعم: محبش بنتي تشتغل مع خالد يوسف لأنه بتاع ستات

قال الفنان تامر عبد المنعم، إنه يرفض دخول بناته مجال التمثيل، خاصة إذا عرٌض عليهم العمل مع المخرج خالد يوسف.

واستكمل الفنان تامر عبد المنعم خلال لقائه مع برنامج “Vip" الذي تقدمه الإعلامية أميرة بدر على شاشة "هي"، :محبش بنتي تمثل، تاني حاجة لو هتمثل محبهاش تمثل مع خالد يوسف مع احترامي الشديد له، وسط صعب والبنات في ظروفهم وتربيتهم ونشأتهم صعب، ولو اتعاد بيا الزمن هاخد قرارات كتيرة مكنتش أخدتها.

وأضاف تامر عبد المنعم: أنا مش هحط نفسي عرضه تحت فك حد، وأنا اشتغلت مع نجوم الوطن العربي، وتعبت كتير ومحبش عيالي يدخلوا الوسط ده.

تامر عبد المنعم: مش بحب أفلام يوسف شاهين

وقال تامر عبد المنعم: أنا محبش بنتي تشتغل مع خالد يوسف لأنه معروف عنه أنه فتك وبتاع ستات وممكن يعاكسهم ولا حاجة تبقى مصيبة سوداء، كما رد ساخرًا: لو حد عاكس بناتي هعمله فيديو يعني.

وتابع تامر عبد المنعم: مبحبش يوسف شاهين وبافهمش افلامه وأنا داخل معهد سينما قولت اني مبحبوش، ولا أقلل من قيمته، أنا مبحبوش ولكنه سيظل يوسف شاهين.

‎برنامج vip يعرض على شاشة "هي" يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا.