عمرو أديب يدافع عن مربوحة :في حد بيقتل حد كدهبس

حرص الإعلامي عمرو أديب، الدفاع عن الفنانة رحمة أحمد والشهيرة بمربوحة، وذلك بعدالهجوم الكبير عليها، بعد عرض أول حلقتين منمسلسل الكبير أوي 7.

وقال عمرو أديب عبر برنامجه “الحكاية” والذي يعرض على قناة إم بي سي مصر : "الناس اللي بتهاجم مربوحة في حد بيقتل حد كده؟ دا لايمكن يبقى شيء طبيعي".

وتابع: "أنا معرفش رحمة ولا عمري شوفتها، ولا المسلسل دا تبع القناة بتاعتنا، لكن ازاي الهجوم دا كله عليها هي لحقت دي عملت حلقتين فقط، وبعدين ازاي الهجوم كده، مهي السنة اللي فاتت كانت أعظم حاجه، والسنة دي ملحقتش تعمل أي حاجه".

لجان معمولة على مربوحة

وأضاف: "عرفنا أن في لجان معمولة على مربوحة، طب إزاي دي ممثلة صغيرة متستحملش إنها تتقتل لمجرد حلقتين، ويتقال بقت بايخة أو مبتضحكش طيب يا جماعة مهو في كاتب ومش مسؤوليتها لوحدها"، موضحًا: "أرحموا الناس يا جماعة، وإذا كان في لجان وراء البنت هتبان مين وراها واللي يعمل كده يبقى إنسان حقير".

وتابع: "المنافسة في الفن بالشكل دا لو صحت تبقى شيء حقير إننا نستخدم لجان عشان نخلص على حد، طب حط نفسك مكان البنت في تاني مسلسل لها تفتح تلاقي هجوم كأنها قامت بجريمة أخلاقية"، مضيفًا: "عايز الناس المحترمة تقف جنب الناس اللي بتبدأ حياتها، وإحنا ياما وقفنا مع ناس واخدنا بايديهم ومش عايز أقول اسامي 20 اسم كانوا بيتداسوا ولكن كان في سندة مننا".

واختتم: "ارفعوا إيديكم عن مربوحة لو في نقد فني تمام إنما دبح بالشكل دا لا، لأن في فنانين كتير ليهم شكل بيكملوا عليه كتير أوي، لكن تتعمل لجان على بنت صغيرة زي دي ايه الهدف يعني".