البلوجر سارة محمد: بعد اللي حصلي قدرت أعرف معادن الناس كويس

وجهت البلوجر سارة محمد، رسالة إلى الجمهور، وذلك في أحدث ظهور لها، عبر صفحتها الشخصية على موقع التواصل الاجتماعي «فيس بوك».

وقالت في الفيديو: «إن الانسان يكون كفيف مش معناه إنه يكون عنده إعاقة احنا نقدر نعمل كل حاجة والأعمى الحقيقي أعمى القلب».

وتابعت: «بعد اللي حصلي قدرت أعرف معادن الناس كويس جدا ومين اللي بيحبني واللي كان بيشتغلني».

تطورات الحالة الصحية للبلوجر سارة محمد:

كانت كشفت البلوجر سارة محمد، عن حالتها الصحية، في وقت سابق، وذلك عبر فيديو على موقع تبادل الصور والفيديوهات «إنستجرام».

وأضافت: «أنا طالعة أطمنكم عليا وأشكركم جدًا لدعمك ليا وللناس اللي بتدعيلي عند الكعبة.. دي أكتر حاجة بتسبب لي السعادة، أنا حابة اطمنكم عليا أتابع معاكم، أول حاجة حابة أقولها ليكوا إني الحمد لله راضية بكل حاجة أنا وصلتلها».

واستكملت: «أنا أه فقدت عيني بس عندي أمل إنه في يوم من الأيام إن أرجع أشوف.. لسه الأمل متقطعش عندي، أنا راضية حتى لو كل حاجة اتأخرت.. انشاء الله ربنا يجعلني من الصابرين وأهل الجنة».