رانيا يوسف تهاجم نادية الجندي: مش مقياس للنجومية وبتحاربني من تحت لتحت

تحدثت الفنانة رانيا يوسف، عن توتر العلاقة بينها والفنانة الكبيرة نادية الجندي، موضحةً: "في دايما حرب من تحت لتحت، وفي حاجات من تحت، في ناس بتحارب بذكاء، أنا معنديش الذكاء ده، لأني لما بحارب حد بيبقى في وشه وقدام الناس ومباشر وفي العلن".

تصريحات رانيا يوسف

وأضافت يوسف، خلال حوارها مع الإعلامية بسمة وهبة، مقدمة برنامح "العرافة"، على قناة المحور، أنّها إنسان لا يجيد الحرب إلا بشكل مباشر، ولا يعرف الطرق الملتوية: "معنديش لف ودوران، أنا مش بحارب نادية الجندي، هي بعيدة عني خالص، مش هاخد أدوارها، هي محتاجة تاخد أدواري لأننا مش في سن بعض".

وتابعت الفنانة: "الموضوع مش قصة أدوار على قد ما هي حاجات شخصية، لما كنت متزوجة من المنتج محمد مختار، كانت هناك صراعات على المستوى الإنساني وفي حياتي، لم تكن عادلة بها ولم تكن عادلة فيما يتعلق ببناتي، وهي ليست مقياسا للنجومية بالنسبة لي، أول فيلم عملته كان بفلوسها، عملت أفلام بكتير بفلوسها، أحترم فيها إصرارها، لكن النجومية ببتعمل بحاجات كتير مش شرط تبقى موهوب عشان تبقى نجم، ممكن تبقى نجم وأنت مش موهوب، مش هبقى زيها لحاجات كتير منها إني مش معايا فلوس أنتج لفنسي، ولو معايا مش هنتج لنفسي، ".