ريهام عبدالغفور: الناس اتريقت على مشاعري بسبب حزني على كلبي.. دا كان ملاك حارس 

علقت الفنانة ريهام عبدالغفور على واقعة سخرية البعض منها بسبب حزنها لوفاة كلبها.

وأضافت خلال لقائها مع الإعلامية إيمان الحصري في برنامج «مساء dmc» المذاع عبر فضائية «dmc»، مساء الاثنين:«دي أوحش حاجة حصلت لي الفترة دي بصراحة والكلب كان اسمه بنجر وكان عنده 5 سنين لما مات وكان صغير وتعب ومات في يوم وليلة».

وأضافت: «كان عندي 4 كلاب وواحد منهم توفي وده كان الأقرب لي وكان بجد مش مجرد كلب لكن كان زي ملاك حارس كده وكان بيحس بيا لو أنا تعبانة في اللوكيشن بيبقى بيجري ويتنطط في البيت كأنه حاسس بيا»، متابعة «الكلاب مش حاجة سهلة إنك تفقديهم وفي معزة الأولاد تقريبًا».