بسنت شوقي: مش تناكة مني إني بتكلم بالانجليزي لكن غصب عني.. وبعرف أجود قرآن رغم ده

فتحت الفنانة بسنت شوقي باب الإجابة على متابعيها عبر خاصية الاستوري بحسابها الشخصي بموقع التواصل الاجتماعي لتبادل الصور والفيديوهات القصيرة “انستجرام”.

وردت شوقي، على سؤال حديثها الدائم باللغة الإنجليزية، وقالت: أنا كنت بقرأ كتب بالانجليزي وبعرف أجود قرآن وبعرف أقرأ عربي لكن مش لساني معوج ولا أي حاجة، أنا ساعات بحلم بالانجليزي، فلما بتوتر بروح للانجليزي ودراستي لكن مش بكون قاصدة حاجة لإن دراستي في الاستثمار فغصبًا عني بتكلم بالانجليزي دي مش تناكة.

وعن عملها، قالت: أنا مش شغالة في بنك أنا شغالة في شركة استثمار، وبستثمر في شركات خاصة ودي شغلانتي بجانب التمثيل، ودخولها مش صعب ولازم ناخد كورسات كتير فيها جدًا عشان تنجح.

بسنت شوقي: أتمنى تجسيد قصة حياة الملكة نفرتيتي

في وقت سابق كانت قد قالت الفنانة بسنت شوقي إنها تتمنى تجسيد قصة حياة الملكة نفرتيتي في عمل فني.

تابعت “بسنت” خلال لقاء مع “gossips“: “أتمنى تجسيد قصة حياة الملكة نفرتيتي في عمل فني، لأن في تركيز أكتر على الملكة كليوباترا مع إن نفرتيتي ظهرت في مشاكل كتير رغم إن في الوقت ده مكانش في إحترام للست أوي لكن هي أثبتت نفسها ضد ناس كتير”.

أما عن أمنيتها بالعمل مع المخرجة كاملة أبو ذكري، علقت: “أكيد لو هعمل حاجة مع كاملة هتبقى عن المرأة وعاوزاه موضوع حراق كده.. ممكن حاجة عن العلاقات اللي مش تمام بين القرايب”.