بعد اختيارها لمشاركتها في مسلسل الصفارة.. ماريا أسامة: اختيار المخرجين ليا كان حاجة كبيرة

كشفت ماريا أسامة أحد مشاركين في برنامج " الدوم " الموسم الأول، عن تجربتها الفنية الأولى في مسلسل الصفارة، بطولة أحمد أمين، المقرر عرضه في موسم رمضان 2023.

وقالت ماريا أسامة خلال لقائها مع شركة ميديا هب لـ سعدي جوهر: "تجربتي في الدوم عرفت الجمهور عليا، وده خلى في قابلية إن الجمهور يستقبل مني الأعمال أحسن ما يقولوا مين دي وطلعت ازاي".

وأضافت: " ثقة اللجنة فيا خلال فترة الدوم خلت الناس يبقى عندها ثقة فيا، ويبقوا مستقبلين الأدوار بسلاسة مني، وحاسين إني موهوبة من قبل ما أطلع، وشركة المتحدة رشحتني لأدوار في المسلسلات، واختيار المخرجين ليا كان حاجة كبيرة".

وأوضحت: "كل ده بقى عاتق على ضهري وبقيت عايزة أثبت لنفسي وللجمهور وللجنة إني هبقى قد ثقتهم فيا، وأحب أوجه كلمة للمواهب اللي كانوا في الموسم التاني من الدوم، إن اللي وصل للنهاية واللي موصلش هما كدة كدة خدوا لقب الدوم، ومستنيين نشوفكم في الساحة الفنية".

مسلسل الصفارة

وظهر أحمد أمين خلال البرومو الرسمي لمسلسل الصفارة بلوك مختلف داخل مقبرة أثرية، وكان أصلع، ومن الممكن أنه أحمد يعمل مرشدا سياحيًا ومعه صافرة يمكنه من خلالها العودة إلى الماضي لتغيير ماضيه.

ويضم العمل مجموعة من الفنانين منهم: "أحمد أمين، أية سماحة، سامية الطرابلسي، محمد رضوان، محمود البزاوي، إنعام سالوسة، طه دسوقي، وهو من تأليف أحمد أمين، وإخراج علاء إسماعيل".