ياسمين عز تحذر السيدات: مفيش فطار في أول يوم عند مامتك.. يعني أي تدخلي عليها من غير فرعونك

حذرت الإعلامية ياسمين عز السيدات، بسبب حبهم للافطار في أول يوم برمضان عند والدتهم، مشيرة إلى أن الزوجة لا يصح الإفطار في أول يوم من رمضان عند والدتها.

وقالت ياسمين عز خلال تقديمها برنامج “كلام الناس”: يعني أي تدخلي على مامتك في أول يوم برمضان وأنتي بطولك من غير فرعونك وتاج راسك.. ازاي يجيلك قلب تسبيه يفطر لوحده مين يا هانم هيقطعله حتة البشاميل من على حرف الصنية زي ما بيحبها، أنت فين يا مدام.

وأضافت: هتقوليلي أخواته؟.. أخواته كل واحده هتكون مهتمه بجوزها وخطيبها على السفرة وحماتك مهتمية بجوزها اللي هو الفرعون الأكبر.

وواصلت: فلو سمحتي مفيش حاجة اسمها هفطر عند مامتي، وأنت أفطر عند مامتك لا رجله على رجلك.. من الشهر ده تطبقي القواعد دي عايزين نعدي الشهر بخير وسلام.

ياسمين عز:الطبخ أهم حاجة في الجواز ومن أساسياته

في وقت سابق كانت قد كشفت الإعلامية ياسمين عز عن سبب اختيار جملة «أنا عياز أطلب إيد بنتك»، والتي تقال في مراسم الزواج.

وأضافت خلال تقديمها برنامج «كلام الناس»، المذاع عبر فضائية «MBC» مصر، مساء الخميس: «الرجل لما بيروح يطلب ايد واحدة في الأصل زمان قالوا ان الأصل في هذا الأمر أن الأيد هي اللي بتطبخ، لذلك جرت العادة على تكرار هذه الكلمة، "يا عمي أنا طالب ايد بنتك».

واستكملت: «الطبخ اهم حاجة في الزواج ومن أساسياته، وقالت: “طبعا هيردوا علينا ويقولوا هي الجواز طبخ بس وأن الطريقة دي مش هتجبلك جوازة كويسة"».