ياسمين عز للسيدات: أنت عندك في الحياة نعمتين الأولى جوزك.. وتاني حاجة الأكل والشرب

وجهت الإعلامية ياسمين عز نصيحة للسيدات بمناسبة حلول شهر رمضان، وذلك خلال تقديمها برنامج “كلام الناس”، المُذاع عبر فضائية MBC.

وقالت ياسمين عز: “أنتي عندك في الحياة نعمتين الأولى جوزك وبعدين الأكل والشرب بعده.. عشان تخلي الأولوية في رمضان ليه، ومش عايزة حاجة اسمها مش هاكل أكل بايت ليه مش هتاكلي بايت سيبي الأكل لتاني يوم وبعد كده سخنيه”.

وأضافت:” أهتمي بجوزك يسري ويمري على قلب الفرعونومتعمليش 9 أصناف وترمي ومعدة الشخص في رمضان بتصغر والأكل المهدور في رمضان حرام بلاش منه”.

وواصلت: “من أول رمضان اعملي حسابك في طبق أكل زيادة كل يوم يروح لصاحب نصيبه .. مفيش حاجة اسمها قفطان لكل عزومة وسفرتك في رمضان لازم تكون بالشكل ده”.

ياسمين عز:الطبخ أهم حاجة في الجواز ومن أساسياته

في وقت سابق كانت قد كشفت الإعلامية ياسمين عز عن سبب اختيار جملة «أنا عياز أطلب إيد بنتك»، والتي تقال في مراسم الزواج.

وأضافت خلال تقديمها برنامج «كلام الناس»، المذاع عبر فضائية «MBC» مصر، مساء الخميس: «الرجل لما بيروح يطلب ايد واحدة في الأصل زمان قالوا ان الأصل في هذا الأمر أن الأيد هي اللي بتطبخ، لذلك جرت العادة على تكرار هذه الكلمة، "يا عمي أنا طالب ايد بنتك».

واستكملت: «الطبخ اهم حاجة في الزواج ومن أساسياته، وقالت: “طبعا هيردوا علينا ويقولوا هي الجواز طبخ بس وأن الطريقة دي مش هتجبلك جوازة كويسة"».