الشاب الواقف خلف حسن شاكوش في فرحه يرد على المتنمرين: منزلتش الشغل ولا الكلية من بعد الصورة

آثار جودة الشاب الذي ظهر خلف الفنان حسن شاكوش، في حفلزفافه جدلًا كبيرًا على السوشيال ميديا بعد تداول صورته بشكل كبير وبدأ رواد التواصل الاجتماعي في التنمر عليه.

وفي أول تعليق له ، قال جودة:أنا مش ويتر زي ما بعض الناس كتبوا، أنا كنت من المرافقين لحسن شاكوش وعروسته، وأي عروسة وعريس عمومًا في الفندق وبتكون مهمتنا أننا نساعدهم وننظم اليوم من أوله لآخره.

وأضاف:شاكوش كان واقف بيعمل لقاء صحفي،واليوم كان متعب جدًا ومرهق، وأنا تعبت في اليوم ده جدًا، وكنا خلاص عايزين نخلص موضوع الصحافة، لأنهم كانو بدأو يطلعوا الأوضة فوق والعدد كان كبير أوي، وكنت استنفذت كل طاقتي وزهقت فاتلقطت ليا الصورة دي، وتقريبًا اتاخدت من فيديو ولقيت الناس كبروا الموضوع قوي.

الشاب الواقف خلف حسن شاكوش في فرحه يرد على المتنمرين

وواصل:كنتطول الوقت بحاول أشدّه عشان نطلع، ألاقي حد وقّفه وساعتها غصب عني بصيت البصة دي من كتر التعب، وحسن شاكوش شخصية ناجحة وربنا يكرمه في مستقبله وعمري ما أبصله نظرة حقد أو حسد.

وأردف، أنه يعاني من العصب السابع بسبب الزعل، وأن ظهوره في الصورة كذلك هو سبب ظهوره في الصورة بذلك الشكل، مشيرًا:بعيدًا عن شاكوش خالص ومش حقد ولا غيرة، بس أنا وقت الفرح قولت لنفسي، هل أنا هبقى ناجح نجاح زي ده، وهل أنا هعمل حاجة لنفسي في المستقبل ولا لأ واتمنيت ربنا يكرمني في المستقبل وأعمل فرح زي ده.

وأختتم جودة:منزلتش الشغل ولا الكلية من بعد الصورة، وفيه ناس كتير كتبت تعليقات بتضايقني، أنا مبردش بس بدخل أقراها، وزي ما لقيت ناس بتدعي لي، لقيت كمان ناس بتهاجمني وبتقول إني ضد نجاحه.