هشام الجخ: مشاركتي في مسلسل «سره باتع» كـ أول عمل فني جت وليدة اللحظة.. ومش مقتنع بدوري في العمل ولن أقيمه غير لما يتمسح بيا الأرض من النقاد |حوار

خالد يوسف صديقي من 15 سنة وبثق فيه فنيًا جدًا

وهو بيعرض عليا العمل قالي «ما تيجي» ومتفهومنيش غلط

مسلسل سرة باتع قايم على مرحلتين الحلمة الفرنسية ومقاومة إرهاب سيناء

أصعب حاجة في شخصية صابر هي دقني كانت متعبة جدًا

فكرة مشاركتي في التمثيل جت وليدة اللحظة ومش هقيمها غير لما يتمسح بيا الأرض من النقاد

مش مقتنع بدوري في سره باتع لإن أنا بحب هشام الجخ كشاعر مش ممثل

لم يكتفي بنجاحه كشاعر، بل تطرق إلى أن يصبح نجم فني من خلال مشاركته كممثل للمرة الأولى في مسلسل سره باتع، هشام الجخ ظهر في العمل فنان كبير من اكتشاف المخرج خالد يوسف، وهو الأمر الذي ظهر من خلال بوسترات العمل، المقرر طرحه في الماراثون الرمضاني المقبل 2023.

وكان لـ موقع "بصرحة"، أول لقاء حصري مع الشاعر والفنان هشام الجخ، عن دوره في مسلسل "سره باتع"، وسر اختيار خالد يوسف له.

-في البداية من الذي رشحك لـ سره باتع؟

اللي رشحني للدور خالد يوسف وهو صديقي من قرابة 15 سنة، وعمرنا ما اتكلمنا إن أنا أمثل أو حتى أكتب تترات، ده أول تجربة ليا في هذا المسلسل.

خالد كلمني من 3 شهور وكان المفروض هعمل أغاني لعمل، وقعدت مع خالد وقالي فجأة ما تيجي ما تيجي يعم عايزين نشتغل، فقالي تاخد صابر أو نديم، فاختارت صابر.

-حدثنا عن فكرة “سره باتع” بشكل عام؟

المسلسل على مرحلتين، على مقاومة مصر للحملة الفرنسية، والمقاومة لإرهاب سيناء، لكن لا أحب الحديث عن العمل لإن أنا في جيب خالد يوسف، ومش حابب أحرق الأحداث.

-حدثنا عن شخصيتك في العمل؟

خالد عرض عليا شخصيتين، شخصية صابر ونديم، فلما وبما إن الأحداث بتدور عن زمنين أخترت زمن الحملة الفرنسية، هو الدور مش كبير لكن مهم جدًا، واللي اختار دور نديم أحمد ثروت.

-لكل عمل فني صعوبات.. ما هي الصعوبة التي واجهت هشام الجخ في "سره باتع"؟

الصعوبات اللي بتواجه كل الممثلين اللي هما بيقولوا أنا تبعان من شغلي اللي هو أكل عيشة، إحنا بنشقى وبناخد أجرأ.. لكن اللي واجهني أنا الصعب عندي كانت الدقن متعبة جدًا ومش عايز اشتكي من المجهود لإن ده في النهاية أكل عيش.

-تعودنا على كون هشام الجخ شاعر.. من أين جاءت فكرة التمثيل؟

فكرة التمثيل جات وليدة اللحظة ومش هقيمها غير لما أشوفها والمسلسل هيتعرض ويتمسح بينا الأرض من النقاد، ولحد دلوقتي أنا في جيب خالد يوسف محدش شاف هشام الجخ ليه غيره.

-هل مقتنع بدورك في "سره باتع"؟

لا مش مقتنع بالدور لانى حاسس انى الكاميرا حاجة وأنا حاجة تانية، وأنا شاطر مسرح ولكن عمرى مشفت نفسى في كاميرا، التجربة مش هتحكم دلوقتى لحد مقعد أشاهد زى زى الجمهور.

-هل تعاونت مع خالد يوسف من قبل في كلمات تترات؟

كنت هكتبله أغاني فيلم كارما، لكن مكملتش، وواضح إني عملت شغل معجبهوش فخد كلمات شخص تاني، وأنا في سره باتع كاتب أكثر من أغنية.

-هل عُرض عليك أعمال فنية من قبل أم ذلك أول عمل؟

اتعرضت عليا أشارك في أعمال فنية قبل كده لكن رفضتأنا بثق فنيًا في خالد يوسف مع كامل احترامي لسامح عبد العزيز عشان كان عرض عليا شغل قبل كده، ووائل إحسان، أما خالد أثق فيه فنيًاجدًا.

-حققت نجاح مؤخرًا بأغنية الصعايدة.. ماذا عن فكرة العمل؟

أغنية الصعايدة كانت قصيدة طويلة، وكاريكا كلمني وقالي عايز أعملها غنوه، والصعيد كبيرة، وعشان ناخدها مركز مركز مش هنخلص، فغيرت الكلام بحيث إنها تنفع تبقى أغنية.

-هل ستخوض تجربة التمثيل من جديد؟

أنا أحب أكون الشاعر هشام الجخ قولًا واحدًا، مش شايف نفسي ممثل.. وأنا في جيب خالد يوسف محدش شاف هشام الجخ ليه غيره، فنستنى العرض وبعد كده نفكر في خوضها من جديد أم لأ.