حكيم: لما كنا بنسجل أغنية " نار نار " لقينا العمارة ولعت ونزلنا على سلم المطافي

كشف الفنان حكيم عن تفاصيل تسجيل أغنية نار، عن موقف كوميديًا حدث أثناء تسجيل الأغنية.

وقال حكيم خلال استضافته في برنامج صاحبة السعادة مع الفنانة إسعاد يونس: أغنية نار ليها ذكرى جميل أوي، كنت أول مره أتعامل مع عصام توفيق، وكان واخد مكتب في عبد الخالق ثروت وكنا قاعدين في الدور الخامس، وقاعدين في البلكونة وعملنا مزازيك كتير ومفيش حاجه راضيه تطلع خالص.

حكيم: كنا ماشين وعصام ندهلي علشان نسمع الاغنية

وتابع الفنان حكيم: وكنا قايمين ماشيين خالص، عصام ندهلي وقالي استنى معايا أغنية تيمه جديدة، قولتله وريني يمكن توفق معانا، ونعمل حاجه.

واختتم المطرب حكيم: رجعنا تاني سمعني أغنية نار، قولتله أهو تعالى نشتغل، قعدنا تاني، نقول نار نار بليل، لقينا العمارة ولعت من تحت، والمطافي جت، وإحنا متشعلفين فوق، والجيران كانت بتقول يا عم ياللي ولعت في العمارة وبتقول نار، ونزلنا على سلم المطافي، وفاكر اليوم ده تحديًدا لإن المحلات اللي تحت هي الولعت.