آلاء سنان: اتعرضت للتنمر وأنا صغيرة لأني كنت رفيعة جدا وشعري أصفر

كشفت الفنانة آلاء سنان عن تعرضها للتنمر في صغرها، مؤكدةً أن شعرها الأصفر كان سببًا في تعرضها للتنمر في أيام الدراسة.

وأضافت،خلال لقائها مع منصة «Miniz»: «اتعرضت للتنمر وأنا صغيرة، لأني كنت رفيعة جدا وضعيفة وعلى طول عيانة وعند الدكاترة، وكنت لدغة في حرف السين».

تصريحات آلاء سنان:

واستكملت:«وتعرضت لقسوة من الأطفال التانيين لأن شعري أصفر، وأنا كطفلة مش فاهمة أنا عملت إيه، قعدت أسبوع منهارة نفسيا عشان صحابي بطلوا لأن شعري أصفر».

وتابعت: «اتجوزت وأنا 18 سنة وخلفت وأنا 19 سنة، واتجوزت بدري لأن دي كانت أول قصة حب في حياتي، وأنا كنت عايشة أوي في عالم الروايات».

وأوضحت: «فأول حد قابلته حبيته جدا هتجوزه، وندمت إني اتجوزت صغيرة في الأول لكن دلوقتي بقول دي أحسن حاجة حصلت لي في حياتي».