«دمروا حياتي وخربوا بيتي».. القصة الكاملة لاستغاثة شاب من بلطجية في محافظة الجيزة.. سرقوا المخزن بتاعي ولما واجهتهم ضربوني وحصلي عاهة مستديمة وعايز حقي

رصدت عدسة موقع بصراحة الإخباري إستغاثة الشاب فرج المقيم في كفر طهرمس محافظة الجيزة بعد قيام اثنين من البلطجية بالتعدي عليه بالضرب وإحداث عاهة مستديمة في منطقة الوجه والرقبة والذراع نقل على أثرها إلى أحد المستشفيات في محالوة لإنقاذه وعلى الفور تم تحرير محضر بالواقعة.

وقال الشاب في استغاثة لموقع بصراحة “البداية كانت إني فاتح محل موبيلات وعندي مخزن للبضاعة وكان في اتنين واقفين في الشارع بيرقبوا المخزن ويشوفوا فيه اي، وفي يوم دخلت المخزن لاقيت البضاعة مش موجودة واتسرقت ومن خلال الكاميرات عرفت إن الاتنين دول سرقوا البضاعة من المخزن ولما طلعت وواجهتم ضربوني وحصلي إصابات كتير.

وأضاف على الفور روحت المستشفى وعملت تقرير طبي وحررت محضر بواقعة السرقة والضرب وبالفعل أخدت أحكام ضدهم وواجبة التنفيذ بس هم حتى الآن لم يتم القض عليهم بالرغم من صدور الحكم ضدهم.

وتابع “ المتهمين حاولوا يتوصلوا معاي علشان اتنازل عن القضية مقابل عرض مبلغ 30 ألف جنية ولما رفضت بدء يجيلي رسايل تهديد وبدوا يرقبوني ويشوفوا تحركاتي وأنا بروح ويمشوا ورايا كل يوم ويضغطوا عليا علشان اتنازل عن القضية بكل الطرق ولما رفضت اتهجموا عليا.

واستكمل “ كنت قاعد على القهوة عادي وفجأة لقيت عربية نزل منها حوالي 5 أشخاص وطلبوا مني اتنازل عن المحضر بهدوء ولما رفضت اتعدوا عليا في الشارع وحاول يموتوني، أنا حصلي عاهة مستديمة ومش عارف أنزل الشغل وحياتي اتدمرت وعايز حقي.