سهير رمزي: قررت مشتغلش في ليلة النصف من شعبان.. لإن محتاجة أصلي كتير وأقرب من ربنا

كشفت الفنانة سهير رمزي طقوس احتفالها بعيد ميلادها، مشيرة إلى أنها تعتبر هذا اليوم غير جيد، لأنه قريب من وفاتها ولم يعد مثل ما كان قبل وفاة والدتها.

وقالت سهير رمزي خلال لقائها ببرنامج “الستات”:كنت بحب عيد ميلادي لما والدتي كانت عايشة لكنه أصبح ثقيلًا عليا ويذكرني بوالدتي، لكن الحمد لله ربنا بيعوضني بحاجات حلوة.

وأضافت: ربنا تملي حنين عليا وجوزي بيعمل لي حاجات لذيذة في عيد ميلادي وأصحابي وأهلي حتى لما دخلت الاستديو أصور فاجئوني واحتفلوا بعيد ميلادي، وحب الناس هو ده الطقوس الحلوة اللي بحبها.

وواصلت: بزعل عشان في سنة راحت مني، ومش بكون فرحانة أوي وبقول يا ترى السنة الجاية هتبقى عاملة إزاي، ويا ترى عملت فيها حاجات حلوة ولا لأ، وبصالح أي حد زعلته لأني مش عارفة هكون موجودة السنة الجاية ولا لأ، كل المكالمات اللي جات لي في عيد ميلادي أسعدتني، والسنة دي بحمد ربنا أني ما حاولتش اعتذر لحد لأني مش مزعلة حد مني وكل صحابي حلوين وكويسين، ولكن في سنة من السنين كلمت أحد أصدقائي واعتذرت له وقلت أنا آسفة وسامحني.

ليلة النصف من شعبان

وعن ليلة النصق من شعبان:قررت النهاردة ما اشتغلش، وقلت ليهم سيبوني لأنه اليوم ده بيجي مرة في سنة والواحد بيكون محتاج يقعد مع نفسه ويقرأ قرآن ويصلي كتير ويدعي لربنا.