سمية الخشاب عن فوائد العزوبية: برنسيسية الليالي والسنين 

قالت الفنانة سمية الخشاب، إنها تفضل العزوبية، مضيفة: «أنا كدة رايقة أوي ومبسوطة .. لا حد ينغص عليا عيشتي ولا حد يصحيني من النوم».

وقالت سمية الخشاب، في تصريحات تليفزيونية: أنا كويسة من غير زواج ولكن لو ربنا عايز كدا مش هعترض، ومش هتفرق اتجوزت كام مرة كلها أرقام وأنا قلبي مش بيدق بسهولة إلا لو لقيت شخص شبهي وفيه بيننا كيمياء، ولكن الحياة أحلى من غير زواج ومفيش حد ينكد عليا.

تصريحات سمية الخشاب:

وواصلت سمية الخشاب: أنا نفسي في راجل حقيقي أحس معاه بالأمان؛ لأن صعب في الأيام السودا دي نلاقي راجل بجد مش مجرد شكله راجل، وأنا كل اللي اتجوزتهم رجالة محترمين وربنا يوفقهم في حياتهم، ومش بحب فكرة إن الست تكون العصمة في إيدها ومعتقدش إني هعمل كدا.

سمية الخشاب: مفيش حد زيي لأني أحلى من جورجينا

أما عن مقارنتها بـ جورجينا، علقت سمية الخشاب قائلة: مفيش حد زيي لأني أحلى من جورجينا ومفيش واحدة عندها جاذبية وحلاوة ودم خفيف كدا، وأنا مش بغير من أي ست لأن ربنا خلقني جميلة وفيا كل حاجة أغير ليه؟ وطول عمري بخجل وبستحي لما أشوف حد مشهور من زمان حتى قبل ما أكون معروفة وبتكسف أسلم على المشاهير.

وسبق أن أعربت سمية الخشاب عن سعادتها بمسرحيتها كازينو بديعة، وقالت في تصريحات تليفزيونية سابقة: أنا سعيدة بـ رجوعي للمسرح بعد غياب طويل لأني بحب العالم دا، وبقدر أظهر كل قدراتي على المسرح من استعراضات وتمثيل وغناء وهعمل مسرحيات الفترة الجاية.