كريم العدل يدافع عن منى زكي: الناس بقت تأخذ المواضيع بشكل شخصي

حرص المخرج كريم العدل، على دعم الفنانة منى زكى بعد الهجوم عليها بسبب بوستر مسلسل "تحت الوصاية".

وكتب كريم العدل، على موقع التواصل الاجتماعي" فيسبوك" قائًلا: " دي تويتة وقعت قصادي بالصدفة.. بس الموضوع ده غريب جدا والله .. يعني اولا الجمال ده شيء نسبي .. لو انتي شايفة ان منى زكي كده وحشة، ف دي رؤيتك انتي".

كريم العدل: أيه علاقة التعليم بالموضوع

وأضاف "انا ممكن اشوفها حلوة عادي.. هى يا جماعة نيكول كيدمان لما بوظت مناخيرها علشان دور، ولا توم كروز لما طلع بكرش و اصلع، كانوا بيعملوا كده علشان عايزين يقولوا ان فيه فئة معينة شكلها وحش؟!! مش منطق ابداً والله".

وتابع "ثانيا، انا حقيقي مش فاهم ايه علاقة التعليم بالموضوع عامة ثالثا، هل ده معناه ان كل المحجبات قمرات ومافيهومش ولا واحدة وحشة؟ مش منطقي.. وتاني نرجع نقول ده شيء نسبي يختلف من شخص للتاني".

وأوضح "رابعا بقى، منى زكي مسلسلها بنسبة كبيرة عن شخصية حقيقية، وبيحاولوا يقربوا بالشكل.. اصلا بقى".

كريم العدل: الناس بتاخد كل حاجة بشكل شخصي

واختتم: "بجد الناس بقت بتحمل الفن و الدراما فوق طاقته.. و بياخدوا كل حاجة بشكل شخصي جدا.. و طول الوقت عندهم نظرية المؤامرة، وكل واحد ولا واحدة يطلع يقول لك الكلمة اللذيذة بتاعة "السم في العسل" استهدوا بالله كده يا جماعة بجد".