تامر حسني: لما بتبقى في شده وضيق و ابتلاء لازم تعرف أن في الوقت ده ربنا اختارلك الصالح

وجه الفنان تامر حسني رسالة لمتابعيه عبر حسابه الشخصي بموقع التواصل الاجتماعي فيسبوك، لمن يعانون من ضيق الحال والشدة.

وكتب تامر حسني: لما بتبقى في شده وحزن و ضيق و ابتلاء لازم تعرف أن في الوقت ده ربنا أختار لك الصالح أوي اوي لإنه الوحيد اللي بيعلم الغيب و أنت تفضل عايز حاجةتانيةو الحاجةدي مليانه شر ليك بس أنت مش عارف احياناً بتعرف بعدها و بتفهم إن اللي حصل ده كان أصح حاجه و احياناً مبتعرفش.

وأضاف: بس لما متعرفش أتأكد إن ربنا شال من عليك شيء صعب أوي فعلاً مكنتش هتتحمله ، زي ما في الڤيديو ده كده ، تخيلوا الست لو مقامتش من مكانها ثق في ترتيب و اختيار ربنا حتى لو مفهمتوش ، و ياسلام بقى لو في المحنه ترضى و تقول الحمدلله من قلبك هتلاقي كرم اكبر بكتير من اللي انت مستنيه ، والله والله مفيش أحن علينا من ربنا.

أحمد التهامي يعتذر لتامر حسني

وكان قد قدم الفنانأحمد التهامياعتذاره للفنان تامر حسني، بعد اتهامه منذ عدة أيام أنه سرق فكرة أحدث أعماله الفنية “تاج”، مشيرًا إلى أن منشوره فٌهم بشكل خاطئ.

وكتبأحمد التهاميعبر حسابه الشخصي بموقع الواصل الاجتماعي فيسبوك: أحب أوضح سوء التفاهم اللي حصل بخصوص البوست بتاعي اللي كتبته بخصوص فيلم (تاج) اللي أتفهم غلط لإن أي حاجة كتبتها علي صفحتي لازم برده أوضح وأرد علي صفحتي.

أحمد التهامي يعتذر لـ صٌناع فيلم تاج

وأضاف: أنا لم أقصد أن أوجه أي أسأه أو هجوم علي النجم تامر حسني أو علي أسرة فيلم تاج ولا للشركة المنتجه بالدليل أنا قولت تامر أخويا وحبيبي ولكن كل ما بدر مني إني قولت إن فكرتي ممكن تكون تداولة في الوسط الفني دون معرفة اي طرف أنها تخصني وإن تامر وصناع الفيلم لم يكن لديهم علم بأي حاجة عن فكرتي.

وواصل: هذا ما أوضحه أمام الجميع أنا كنت عاوز أقول إن كان ليا السبق في تقديم نفس فكرة التوأم الخارق لشركات إنتاج أخري ولم تنفذ ..ولكن تامر مبدع و شاطر وممكن تتشابه الأفكار ولكن التناول والطرح مختلف وأنا من محبين تامر جدا علي المستوىالشخصي والفني و الإنساني لإنه ناجح و إنسان محترم.

وأختتم التهامي قائلًا: شكرا للشركة المنتجه وبالأخص الأستاذ أحمد بدوي علي أهتمامه وتواصله معايا وأنا أوضحتله كلامي وهو أكدلي إن مافيش وجه شبه بين قصتي (خلف×خلاف) وقصة فيلم (تاج) لا في التناول ولا الطرح وإن فيلم تاج مختلف تماما حتي في الشكل الدرامي للتوأم الخارق ..وكل التوفيق لأسرة فيلم تاج وأنا لا أملك غير كل حب وأخوه وأحترام لأسرة فيلم تاج كاملا، مع خالص أعتزاري عن سوء الفهم للفنان تامر حسني و جمهوره.

أبطال فيلم تاج

جديرًا بالذكر أن فيلم “تاج”، من بطولة النجم تامر حسني، بيومي فؤاد، وساندي، فيما تواصل الشركة المنتجة التعاقد مع باقي الأبطال المشاركين في العمل، ومن تأليف تامر حسني، وإخراج سارة وفيق.