ياسمين عز للفتيات المخطوبة: متضغطيش عليه هو بيشقى وبيتعب عشان يهنيكي فدلعيه

وجهت الإعلامية ياسمين عز، رسالة إلى الفتيات المخطوبة، وخاصةً المرتبطة بالرجال المغتربة سواء داخل مصر أو خارجها.

وأضافت خلال تقديمها برنامج «كلام الناس»، المذاع عبر فضائية «MBC» مصر، مساء الأحد: «الفلوس والعفش مش هينفعوكي لما تتجوزي واحد معندهوش أخلاق، والراجل المغترب بيتحمل ما لا يتحمله جبل خلي بالك منه، والفرعون حبيبنا طول الوقت بس الدنيا فيها الكويس والفاسد».

واستكملت: «راعي ربنا في خطيبك الشقيان عيشي عيشة أهلك،متضغطيش على خطيبك هو بيشقى وبيتعب عشان يهنيكي فدلعيه».

ياسمين عز تثير الجدل

وأضافت:” مش واثقة في ذوق الست اللي شكلت خطيبك اللي مخبياه عن صحابك البنات.. حماتك مش بتنزل معاكي عشان تفرض رأيها أو تسترخض أو تجبلك حاجة أي كلام، هي في الأول والأخر عايزة تجيب أحسن حاجة لابنها، هي خبرة وعارفة ايه الحلو وايه الوحش فنصيحتي ليك متخلقيش صراعات مبكرة مع حماتك لأن تاني أحلى حاجة في الدنيا بعد جوزك هي حماتك ويا بخت اللي حماتها راضية عنها”.