تعليق ساخر من عمرو أديب بعد تعادل الأهلي أمام صن داونز «فيديو»

تحدث الإعلامي عمرو أديب عن تعادل النادي الأهلي أمام نظيره صن داونز ، مؤكداً أن التعادل أمر غير منطقي بسبب توافر كل عوامل النجاح على عكس الزمالك الذي يعاني من أزمات إداريه وماليه .

وقال أديب في تصريحات تلفزيونية عبر قناه إم بي سي مصر:”الأهلي لسه متعادل مع صن داونز وفرصه بقت مش لطيفه زي الزمالك وده حاجه غريبه يعني” .

وتابع :”الزمالك بنقول معندوش اداره ومعندوش استقرار لكن انت عندك كابتن بيبو و لسه شايف واحد بيقولك الاهلي بيشجعه ٧٠ مليون ، بقالهم فتره الاداء باهت كده” .

وشدد :”الاهلي مش متصدر الدوري عشان هو يستحق يعني لا ، متصدر عشان مفيش فرق تنافسه اصلا ، يا اما فرق معندهاش شخصيه البطل ومكتفي بالمركز التاني ، او زي الزمالك عنده تعثرات بسبب الاداره وغيره” .

وواصل :”وبعدين الاقي حد يقولك الاهلي محتاج مهاجم طب ما تجيب مهاجم ، الاهلي يعني مش عاوز اقولك جواه ناس من غير ما اقول اسماء معاهم فلوس قد كده ، قوله يجبلك مهاجم ، قوله يجبلك باك ليفت او باك رايت” .

وأضاف :”الاهلي معاه فلوس للسما ، معاه امكانيات جباره ، وعندهم ستاد جديد وبتاع وانا نادي كبير وجمهور جبااار ولكن ايه الأداء ده” .

وأكمل :”عندهم مدير فني من سويسرا ومحترفين اجانب ، ولكن تشوف الاداء تلاقيهم بيقولوا اداء باهت ، أداء مش مقنع” .

وإستطرد :”رئيس الاهلي اللي موجود دلوقت كان اي حته في الملعب يجيب جول ، كان عنده لعيبه لحد الباشا عماد متعب” .

وأتم :”لغز وحاجه غريبه جداً عندهم بيرسي تاو و عندهم كل حاجه لكن متعرفش بقا مبيعرفوش ينقوا ولا يختارو ولا ايه”.