سارة نخلة تهاجم حلا شيحة: محتاجة علاج نفسي.. وبتعملنا فيها أم المؤمنين لما بتتجوز

هاجمت الفنانة سارة نخلة الفنانة حلا شيحة بعد خلعها للحجاب في الفترة الأخيرة، بعد أنباء انفصالها عن زوجها الداعية معز مسعود.

وكتبت سارة نخلة عبر حسابها الشخصي بموقع فيسبوك: اتجوزت فاتحجبت بعدين اتنقبت و بعدين اتطلقت فشالت الحجاب و شالت النقاب قام هوب اتجوزت اتحجبت و بعدين اتطلقت فشالت الحجاب !!!؟؟؟ الانسانة دي محتاجة علاج نفسي ضروري المصيبة انها مع كل راجل بتبقى شخصية تانية و تشتم الفنانين و الفن و تعمل فيها أم المؤمنين.

وأضافت: المشكلة الاكبر بالناس الي بتعرضلها و حسسوها انها فاتن حمامة بنفسها اوي و هي اصلا بعد ما رجعت نسفت كل الحلو الي كانت عاملاه زمان و كانت رجعة تستاهل التوبة بجد، وهي كدا بتتنافس هي و شيرين على نفس المرتبة هم التتنين وجهان لعملة واحدة.

خلع حلا شيحة الحجاب

من جانبه كان قد رد الدكتورأحمد شيحة، على الانتقادات التي طالت نجلته في الفترة الأخيرة بعد مشاركتها صورة لها مع أبنائها بدون حجاب، مشيرًا إلى أنها تغضب من حديث السوشيال ميديا عنها.

وقال أحمد شيحة، خلال حديثه مع et بالعربي: بنتي مش محجبة هي بتلبس طرحه خفيفة وتضعها على نص شعرها وبتغطي رقبتها بس مش أكتر.

وأضاف: سيبوها في حالها بقى مفيش حاجة تركزوا عليها غير هي، بنتي لما بتسمع انتقادات الناس ليها بتضايق وتقول يارتني ما كنت مشهورة.