مصطفى كامل: مسلم الناس كلها حذرتني منه وكل يوم منتج يجيلي يشتكي منه

علق الفنان مصطفى كاملنقيب المهن الموسيقية، على أزمة مطرب مهرجانات مسلم بعد قرار إيقافه عن العمل، لعدم التزامه بموعد التحقيق المحدد معه وعدم مثوله أمام لجنة التحقيق.

وقال مصطفى كامل خلال مداخلته الهاتفية مع الإعلامي محمد موسى لبرنامج " خط احمر": كل الناس حذرتني من التعامل مع مسلم بما فيهم جدران النقابة، وهو شخص متعب ومزعج.

وعن عدم التزامه بموعد التحقيق في النقابة، رد مصطفى كامل: أنا قولتله أنت مضيت عقد مع منتج ومش ملتزم معاه ليه قالي أنا كنت قاصر لسه، ولما مجاش للنقابة كلمته وقال أنا مجتش عشان كنت في التجنيد وهو مكنش في التجنيد أصلًا.

مسلم شخص متعب ومزعج

وتابع نقيب المهن الموسيقية: بدء مسلم يبعتلي على واتساب وانستجرام وقولت لازم اقف جنبه وكان بينا مكالمة وقولتله لن أقبل أخي أو ابني وهو مش مأدي الخدمة العسكرية، وقوتله روح أدي حق بلدك عليك.

وأضاف مصطفى كامل: جابلي ما يفيد انه راح التجنيد وقولت النقابة هتتيح التصريح في حالة إحضار موقفه من التجنيد وقولت من شروط القيد أن يجيب ما يفيد موقفه من التجنيد ولا يشترط فيه أنه أدى الخدمة أولا.

كل يوم عندي منتج يشتكي من مسلم

واستكمل كامل حديثه: كتبته إقرار على نفسه لأن ناس كتير قالتلي عليه ده لعبي لأن لو لقدر الله أي خلاف بتجنيده أو هرب هتيحاسب، وفضلت معاه في دور أبوه.

وأردف: من ساعة ما خد التصريح كل يوم عندي منتج جاي يشتكي من مسلم وقولتله هو أنا ماسك المنصب ده نقيب ليك لوحدك.. أنا تعبت معاه وهو دايمًا مش عارف هو عايز ايه.