ياسمين عز تهاجم السيدات: بتقولى على جوزك نرجسي وأنت كنتى فاكرة النرجسية حلويات

هاجمتالإعلامية ياسمين عز السيدات خلال حلقة برنامجها “كلام الناس” الذي يذاع عبرقناة mbc مصر.

وقالت ياسمين عز: الست بتروح لمستشارين علاقات زوجية وتقولهم جوزي نرجسي عشان أمه نرجسية، وماشي شبه الطاووس نفس ماشية امه وهي لحد أول إمبارح مفكرة إن النرجسي طبق حلويات جننتي دكاترة الاستشارات الزوجية.

تصريحات ياسمين عز

وأضافت: وأما تسألها ليه تقولك أنا عارفة كل حاجة من النت النت كله بيقول لو جوزك لوى بوزه يبقى نرجسي الدكتور زهق منك ومن عمايلك ومتتكلميش، بلاش تتريقي على ماشية جوزك ورجليه فيه ناس بتموت في التراب اللي تحته

واختتمت حديثها: الراجل معندوش بوز عشان يلويه وكلنا عارفين مين اللي عنده بوز ولازم يدرايه.

ياسمين عز تطالب بالإكثار من الصدقة

وفي سايق آخر، طالبت عز المشاهدين بالإكثار من الصدقة قائلة: “على قد ما تقدروا تصدقوا وارسموا البسمة على قلب الشخص.. أي حد يقدر يساعد ولو بحاجة بسيطة يساعد، وخاصة الناس بتوع “الدليفري”.

وتابعت عز: “في فئة لازم نهتم بيهم ونساعدهم برضو.. بواب عمارتك أو أمن الكومبوند، في 600 ألف عامل أمن وبواب محتاجين المساعدة، في الأيام الصعبة دي لازم كلنا نهتم بالصدقة.. المليان يصب على الفاضي”.