عمرو أديب: الضرورات تبيح المجمدات وبلاش العنصرية الدجاجية دي 

علق الإعلامي عمرو أديب، على ما يثار عن الدجاج البرازيلي بعد اتجاه الدولة باستيراد كمية منها خلال الفترة المقبلة تيسيرًا على المواطنين.

وأضاف خلال تقديمه برنامج «الحكاية»، المذاع عبر فضائية «MBC» مصر، مساء الجمعة: «حصل ظرف ما والفراخ دي مبقتش في المتناول فالدولة استوردت من البرازيل.. وفرق السعر بيوصل لـ30 جنيها.. إنتو ليه بقى بتكرهوا الناس في نعمة ربنا».

الفراخ المجمدة:

واستكمل: «الضرورات تبيح المجمدات وبلاش العنصرية الدجاجية اللي إنتو عايشين فيها دي..طالما الفرخة نظيفة ومش فاسدة ومذبوحة طبقا للشريعة الإسلامية يبقى معنديش فيها أي مشكلة».

وتابع: «فيه ناس فرحانة بالفرخة دي وبعتوا يسألوني هي بتتباع فين.. اللي معترض ده يسيب الناس تاكل وتتنبسط».