مديحة حمدي: الست زمان مكانتش تجرؤ  إنها تعمل حاجة في بيتها إلا لما تخلص عند حماتها 

كشفت الفنانة مديحة حمدي، عن تفاصيل في حياتها ومدى علاقتها بزوجات أبنائها.

وأضافت خلالبرنامج «ساعة زمن»، المذاع عبر فضائية «صدى البلد»، مساء الخميس: «الحماة زمان غير، ففي البيئات البسيطة كانت زوجة الابن لا تجرؤ إنها تعمل بيتها أو تطبخ قبل ما تخلص شغل البيت عن حماتها سواء كنس أو مسح أو أي حاجة تتخيليها، وأصبح حق مكتسب».

واستكملت: «حماتي كانت رافضة زواجنا في الأول ولكن بعد ما شافتني واقفة مع ابنها بعد الحادث تغيرت فكرتها عني وقالتلي لو هدور على واحدة تنفع لابني مش هلاقي أحسن منك، وكنت موضع سرها بعد ما عاشرتني في الحياة، وكنت بقولها يا ماما».

وتابعت: «اللي بيشتريلي حاجاتي سواء لبس أو إكسسوات هم زوجات أبنائي، وعلاقتي بيهم جيدة جدا، وأنا عرفت أكسبهم عشان عايزة أبنائي سعداء».