بياخد من المجتمع.. تامر عبد المنعم: محمد رمضان ليس السبب في انتشار الجرائم |خاص

دافع الفنان تامر عبد المنعم، عن الفنان محمد رمضان، بعد نسب الكثير الفترة الأخيرة انتشار الجرائم، لـ أعماله الفنية، مشيرًا إلى أن الفن ليس مهمته حل مشاكل.

وقال تامر عبد المنعم لـ”بصراحة”: محمد رمضان مش السبب في انتشار الجرائم، ده واحد بياخد من المجتمع وبيعمل الفكرة، المجتمع بتاعنا ده فيه عبده موتة، وفيه العنف اللي موجود والناس بقت سايبه على بعض، المجتمع بقى فيه زنا محارم.

تامر عبد المنعم

وأضاف: الناس فاكرة إن أحنا عظة، أحنا بنعرض مشكلة وحلها مش في إيدينا، الفن مش شرط يقدم لكل حاجة حل، الظاهرة دي موجودة جوه المجتمع، وكانت موجودة في حين ميسرة لخالد يوسف.

وواصل: الفن لا يتعارض مع الدين، وإلا مكنش أيام سيدنا النبي مغنى، الفن الحقيقي مش ابتزال الفن رسالة، ومن خلال الفن تقدر توفق بين الدين والسياسة.