حلمي بكر: وانا في المستشفي كنت بفكر في ما يفعله السيسي

تحدث الملحن حلمي بكر عن فترة رقوده في العناية المركزة بالمستشفي لأكثر من شهر، مشيرًا أنه كان يفكر فيما يفعله الرئيس السيسي من تنمية.

وقال حلمي بكر خلال إستضافته في برنامج يحدث في مصر المذاع على شاشة قناة MBC مصر مع الإعلامي شريف عامر: كنت بفكر في كل ما يدور حوله من أمور شخصية وعامة وخاصة وما يفعله الرئيس السيسي من تنمية.

وأضاف حلمي بكر: وسط محنتي وتعبي كنت بفكر في كل اللي حواليا وكنت بفكر في الرئيس السيسي واللي بيعمله، وأول ما الرئيس بدأ التنمية قولت جملة وهي: عض قلبي ولا تعض الرئيس السيسي.

حلمي بكر: كنت واعي بكل حاجة بتحصل حواليا

وتابع حلمي بكر: بفكر دايما في كل حاجة حواليا وده عشان من يشكي له حق والذي لا يشكي له حق، احنا عايزين نوازن الأمور حتى ينصلح الحال، وأقسم بـ شرفي كنت بفكر في الأمور العامة وأنا في محنة مرضي ورايح جاي على الدكاتره، وابني عايش في أمريكا وكنت شايل همه وكان في قلبي طول الوقت.

وأكد الملحن حلمي بكر أن الفن الذي يقدمه يعتبر نصف سياسي ونصف فني، موضحًا: اللي قال أن الفنان يبعد عن المجتمع عشان يعرف يقدم إبداع ده غلطان لأن الفن ده اللي الناس بتاخده مننا نصه فن ونصه سياسة واللي ميشاركش فيه يعتبر إنسان خارج المجتمع وبيكذب على نفسك.