مش ممكن يكون توارد أفكار.. أول تعليق من أحمد التهامي بعد سرقة تامر حسني فيلمه

كشف الفنان أحمد التهامي تفاصيل خلافه مع الفنان تامر حسني بسبب سرقة فكرة أحدث أعماله الفنية “تاج”، مشيرًا إلى أن رغم ذلك يحب تامر حسني على المستوى الفني والشخصي.

وقال التهامي خلال لقائه مع موقع “بصراحة”: تامر حسني نجم كبير، أنا بحبه على المستوى الشخصي والفني، وتامر انسان مجتهد وناجح، ومشكلتي إن أنا مقدم المشروع ده من 2017، بعد فرقة ناجي عطالله، وسجلته وقدمته لشركات الإنتاج، لإن المشروع ضخم، وكنت عايز أقدم فيها أول بطل خارق عربي، ولما قريت موضوع فيلم تامر لقيت إنه عامل نفس الفكرة أبطال خارقين تؤام ومش ممكن تكون توارد أفكار ودي نفس فكرتي.

وأضاف: طب أنا ليه مشروعي متقبلش وعملوا أبطال خارقين بنجوم تانية، فطبعا الموضوع ده زعلني جدًا، اتحاولت اتواصل مع تامر لكنه بيغير رقمه على طول.