«الناس اللي ماتت في الزلزال دول شهداء».. مصطفى حسني يحسم الجدل بشأن وقوع الزلزال

رد الداعية مصطفى حسني على سؤال من أحد المتابعين، عن التساؤل حول ما إذا كان الزلزال في سوريا وتركيا غضب من الله.

الداعية مصطفى حسني

قال “حسني” في مقطع فيديو نشره على حسابه بموقع تبادل الصور والفيديوهاتإنستجرام: “الحقيقة أن لو كان ربنا علمنا في القرآن أو في السنة إن إحنا نجزم أن الزلازل والبراكين والمجاعات والطاعون غضبًا منه كنا قولنا كدا”. مضيفا: “لكن اللي بيجزم ويقول قولًا واحدًا إن الزلازل دي غضبًا من ربنا بيعمل مشكلة كبيرة جدًا في عقيدة المسلمين، لأن المسلمين الموحدين يعرفوا أن ربنا رحيم ومع رحمته عادل، فيجي يقول شخص طيب زلزال موت عشرات الآلاف من الناس الغلابة في سوريا اللي أصلًا عندهم صعوبات بقالهم سنين طويلة وحرب”.

الكفار والملحدين

تابع: “والناس اللي في تركيا البسطاء اللي وقعت على دماغهم العمارات دول، طيب ما كان يوقع العمارات على الكفار والملحدين وعباد البقر.. ليه ربنا يصب غضبه على أمته؟.. كل ده بسبب أن الأصل اللي بنينا عليه كل الحكم ده باطل، أني جزمت وحكمت على الله أن الزلازل غضب من ربنا سبحانه تعالى”.

أردف: “الناس اللي ماتت في الزلزال دول شهداء، قال الرسول صل الله عليه وسلم (وصاحب الهدم شهيد)، فالآلاف اللي ماتوا دول شهداء، يعني ربنا يبقى غضبان على واحد يصطفيه شهيد؟”.

وقوع الزلازل في تركيا

أوضح أن الزلزال يحدث لحكمه الله وحده الأعلم بها. متابعا: “واحد يشوف الزلزال يتوب لربنا، وواحد تاني يقول: قدر ربنا.. يا رب إحنا مِسلمين أنت الحكيم الرحيم، وواحد يطلع عشرات ومئات وملايين عشان يساعد أخواته المكوبين، فيأخذ مقام عالي جدًا في الإنفاق في وقت صعب زي ده.. حكم الله لا تنتهي”.

استشهد بقول الرسول (ص): “مَا يَجِدُ الشَّهِيدُ مِنْ مَسِّ الْقَتْلِ، إِلَّا كَمَا يَجِدُ أَحَدُكُمْ مَسِّ الْقَرْصَةِ”، موضحا: “فأنت من برا عشان أنت مش صاحب البلاء شايف العمارة بتقع وأن الناس اتفتت، حتى لو حصل كدا.. الله اللطيف هيخليه إن شاء الله مش يحس بحاجة، فاطمئن إحنا مش أحن وأرحم من ربنا”.