تامر أمين: «الشناوي يقعد دكة وعلي لطفي يبقى مكانه ومش هنخاف»

فتح الإعلامي تامر أمين النار على محمد الشناوي حارس مرمى النادي الأهلي بسبب الخطأ الذي تسبب فيه خلال مباراة الهلال السوداني والأهلي في دوري أبطال إفريقيا.

وكان محمد الشناوي وقع في خطأ خلال مباراة الأهلي أمام الهلال السوداني، تسبب في دخول هدف فوز الفريق الأزرق.

وقال “تامر”:”أنا شايف إن محمد الشناوي يقعد على الدكة ويلعب عليلطفى و احنا هنخاف من ايه إن على لطفي يغلط مثلا، ما هو الشناوي بيغلط والطبيعي على لطفي يدخل فيه اجوال لكن اكيد مش هيغلط زى الشناوي”.

ورفض “أمين” تبرير خطأ الشناوي أمام الهلال السوداني قائلا :”الكلام على إن الخطأ بتاع الشناوى أمام الهلال سببه إن الشمس كانت في وشه هو “عذر أقبح من ذنب” علشان ربنا خلق لينا حاجة اسمها “كاب” تحمينا من الشمس”.

وأضاف “تامر” خلال تقديمه حلقة جديدة من برنامج “آخر النهار” على قناة “النهار” :”محدش يقولى هو فيه حارس يلبس “كاسكيت” أو كاب لان فيه حراس مرمى كبار كانوا يلبسوها في دوريات مختلفة ومش عيب ان الشناوى يلبسها”

ووجه “تامر أمين” رسالة إلي مجلس إدارة الأهلي قائلا :”رأي إن مجلس إدارة النادي الأهلي يبقى مصيبة لو مجبش حارس جديد الصيف الجاي لان الشناوي فاقد للحافز ومحتاج حد قوى على الدكة”