ياسمين عز: لو قاعدة مع جوزك بتتكلموا ماينفعش تقومي تروحي الحمام بدون ما تستأذنيه

وجهت الإعلامية ياسمين عز، مجموعة من النصائح للسيدات، قائلة: «لو أنتي قاعدة جنب جوزك متتنفسيش وهو بيتنفس، عيب تتنفسي وجوزك بيتنفس في نفس الوقت، ننظم الحركة مع بعض، مبقولش تكتمي نفسك وتموتي مكتومة لا بعد الشر».

وأضافت خلال برنامجها «كلام الناس»، المذاع على قناة «إم بي سي مصر»، اليوم، أنه «أقصد وهو متعصب وصوت نفسه عالي من العصبية، متنفخيش أنتي كمان، ده هيزود شحنة الكهرباء والعصبية، سيبيه يهدى لوحده، ونظمي نفسك».

وتابعت ياسمين عز: «حاجة كمان لو قاعدة جنبه بتتسامروا مينفعش تمشي وتروحي الحمام، وهو بيتكلم، لو مستعجلة قوليله بلطف، حبيبي هروح أعمل حاجة وجاية».