عمرو وهبة: أنا كل يوم الصبح بفتح فوري علشان اروح أتبرع لاي جهة

علق الفنان عمرو وهبة عن غلاء الأسعار التي اجتاحت الشارع المصري خلال الفترة الأخيرة وخصوصًا بعد زيادةالدولار الذي أرتفع بشكل كبير.

وكتب عمرو وهبة، منشورًا عبر حسابه الشخصي بموقع التواصل الاجتماعي فيسبوك، جاء فيه: “أنا بكره السنتحة والفلوس الإتاوة اللي ملهاش لزمة دي وبتعصب من اللي بيرمي نفسه على بريريز العربية عشان يليطها بفوطته اللي مداقتش طعم المية في حياتها، وبقول دول ناس مش بيعملوا حاجة وارد جدًا أكون بفكر غلط، قولت ياعم سيبهم بمزاجك وخد أنت الثواب يعني، وهو ممكن يكون بالنسبالك بيستليح بس في الآخر الأكيد أن هو محتاج الفلوس دي".

وأوضح: "ولما بسمع حد بيقولي يا عم الناس دي بيعملوا فلوس قد كده بسخن ومش بديهم وبعدين بفكر كده بيعملوا كام يعني؟ الفين جنيه في الشهر تلات آلاف، خمس آلاف، عشر آلاف، حتى أكتر من كده؟ ما هو مش بياخدهم منك ويطلع يعمل كايت سيرفينج في رأس سدر، ما هو هيجيب بيهم أكل وشرب وبرده مهما زاد ده بقى رقم عادي، والقرشين اللي هتدفعهم دول أكيد مش هيفرقوا معاك بس وارد يفرقوا معاه أو مع اللي بيصرف عليهم".

عمرو وهبة: انا كل يوم بروح أحط تبرعات

ونوه وهبة: "حد هيقولى طبعاً خلاص ياسيدى انت كده بتشجع على الاستلاياح وروح ادفعهم لمستشفى ولا لدار ولا لاى حد مريض او اى حاجه كده هقوله معاك بس انا ك عمرو ومش بقول انه اى حد يعمل كده انا بقيت يومياً بصحى الصبح افتح ابلكيشن فورى اختار اى جهه تبرعات واحط اى رقم اتبرع بيه حتى لو عشره ولا عشرين جنيه وثبتها كا شئ اساسى فى بدايه يومى لحد ماخلاص بقت حاجه مش بنساها الحمدلله خالص وعامه يعنى انا نصحت بيها كام حد حواليا وكلمهم كلمونى وقالولى دى سحر والله احنا عملنا كده وربنا فتحلنا فى كذا وكذا ..مش شرط طبعاً يحصلك زيهم بس وارد جداً ربنا بسببها يمنع عنك حاجه وحشه كانت هتحصل وانت متعرفش".

واختتمت عمرو وهبة: "الخلاصه وفر شويه من رفاهياتك عشان غيرك يعرف يجيب شويه من اساسياته".