عمرو وهبة: وفر شويه من رفاهياتك عشان غيرك يعرف يجيب شويه من أساسياته

تحدث الفنان عمرو وهبة عن أهمية ترك الرفاهيات وإستغلالها في توفير أساسيات المحتاجين لها، وذلك خلال منشور عبر حسابه الرسمي بموقع التواصل الإجتماعي فيسبوك.

منشور عمرو وهبة

وكتب عمرو وهبة: بوست جد على غير العادة.. بصرف النظر عن الكومنتات اللى هتقول ياعم انت فنان وانت بتاخد ملايين وانت مالك بالكلام ده وكل الحاجات اللى مش صح دى بس هقول برده.

وتابع: مؤخراً بسبب ظروف معظم الناس بمختلف طباقتهم واحتياجتهم وانا منهم بدأ كل واحد فينا يفكر ازاى يوفر وازاى يستغنى عن المصاريف اللى ممكن يستغنى عنها بس انا اكتشفت ان انا الشيطان بقى بيخلينى استنصح مش أوفر.. يعنى بصرف عادى مصاريفى اليوميه اللى مش كلها الصراحه اساسيه او ليها بديل بس بوفر فى الخمسه جنيه اللى بدفعها للى بيحطلى بنزين او بقلل التيبس اللى بسيبه فى مطعم كلت فيه برقم مش شويه والخ من نوعيه المصاريف دى.