عمرو أديب عن اللايف كوتش: اللي بينصحك لو يعرف الطريقة كان نفع نفسه ​​​​​​​

علق الإعلامي عمرو أديب، على ظاهرة اللايف كوتش، لتحقيق طموحات الشباب المادية، لافتًا إلى أن هذه الظاهرة منتشرة عبر مواقع التواصل الاجتماعي بصورة كبيرة خلال الفترة الماضية.

وأضاف خلال برنامجه «الحكاية»، المذاع عبر فضائية «MBC» مصر، مساء الجمعة: «اللي بينصحك لو يعرف الطريقة كان نفع نفسه وبقى ملياردير مش كل الناس هتوصل الناس اللي وصلت وصلت عشان عندها حاجة حلوة وإلا بقى كله مليونيرات».

وتابع :« من 5 أو 6 سنوات كنا نعرف أسامي الأغنياء اللي في مصر، ده بتاع الحديد، ده بتاع العقارات، كنا عارفينهم بالاسم، لكن في الـ7 أو 8 سنوات اللي فاتوا، بقى في ناس مليونيرات جداد لانج، منعرفش أساميهم».

تصريحات عمرو أديب عن الفلانتين:

كان علق الإعلامي عمرو أديب، على هدايا عيد الحب، قائًلًا:«إحنا بنبعت ليه في يوم عيد الحب هدية لميس سوسن، إحنا باعتين ليه هدية للمدرسين، هذا ما لم نسمع به من قبل».

وأضاف: «أنا مابحبش الورد في الهدايا، إنما لو دخلت عليا بفطيرة مشلتتة وشوية جبنة قديمة وجبنة رومي وعسل، ده الحب بالنسبالي، يعني لو جالي دبدوب هاكل ودنه يعني».