ياسمين عز توجه كلمات قوية للزوجة: عايزة يجبلك دبدوب وانت مش بتعملي الأكل

وجهت الإعلامية ياسمين عز العديد من النصائح للسيدات بمناسبة عيد الحب، مؤكدة أنه يجب الاحتفال بالرجل، تقديرًا لمجهوده طوال العام.

وقالت ياسمين عز خلال برنامجها كلام الناس على شاشة إم بي سي مصر: معملتش الغدا وعايزة دبدوب؟.. جداتنا كانت بتعمل شوربة على الدبدوب، مش عاجبك الكلام وبردو عايزة الفرعون هيغضب عليكي ويحدفك بلعنة وهتتسخطي دبدوب أحمر ويروح يديكي هدية لواحدة تانية.

وتابعت: الدبدوب الأحمر أصله زمان كان واحدة ست متجوزة وبتنكد عليه وتقوله هاتلي دبدوب في عيد الحب وجوزها حدفها بلعنة واتحولت دبدوب أحمر صامت.

ياسمين عز: الراجل بالدنيا كلها

كما وجهت نصيحة للرجال بشأن هدايا عيد الحب، قائلة: يا فرعون يا تاج الراس يا فرحة حزننا ونعمة ربنا، فرعونا مفيش منه، وحفنة من تراب الراجل بالدنيا، جيب لمراتك حفنة تراب من تحت رجلك في منديل حرير، ولو تعرف قيمتك هتعرف قيمة التراب اللي ماشي عليه، لو هي جعفر هترمي الهدية ودا اختبار وسقطت فيه.