بيهددني ببنتي.. القصة الكاملة لسيدة تستغيث من طليقها بالإسكندرية: جوزني لمحلل وطلقني تاني يوم وضحك عليا ومارضاش يرجعلي ورفع عليا قضية علشان ياخد بنتي الوحيدة

استغاثت سيدة تدعى هبة في محافظة الإسكندرية لموقع “بصراحة الإخباري” من ظلم وبطش طليقها قائلة “طليقي رفع عليا قضية علشان يحبسني وياخد مني بنتي الوحيدة وبيقول في الدعوى إني مخالفة للشريعة الإسلامية ومختلة عقلياً مستغلاً سلطته ونفوذة وإني لوحدي ماليش حد، ودايماً بيهددني وبيبعتلي بلطجية عند بيت والدتي”.

سيدة تستغيث من زوجها بالإسكندرية

وقالت السيدة في بث مباشر لموقع “بصراحة الإخباري “طليقى ابن عمي واتجوزنا من فترة كبيرة وخلفت بنت و حصل بينا خلاف واطلقت 3 مرات وبقيت محرمة عليه، بس هو كان عايز يرجعلي واتفق مع محلل يتجوزني ويطلقني ثاني علشان نعرف نرجع نتجوز وفعلاً اتجوزت المحلل واطلقت تاني يوم على طول بس حصل بيني وبين طليقي الأول خلاف ورفضت أرجع”.

وأضافت هبة “ سبب الخلاف بيني وبين طليقيكان إني رفعت عليه قضية نفقة ليا أنا وبنتي لأن أهله كانوا بيذلوني وبيعاملوني وحش وبيتعدوا عليا بسبب كدا رفعت قضية نفقة وطالبت إني استلم النفقة عن طريق المحكمة بسبب كدا رفع عليا قضية إسقاط حضانة”.

وتابعت “أنا طليقي رفع عليا قضايا كتير واتهمني بالتذوير وإني اتجوزت علشان ياخد مني بنتي ويسبها مع أخته وهي فقده الأهليه وهو واصي عليها بسبب إنها مختله عقلياً وأنا مرعوبة على بنتي”.