ارجع يا إسلام.. التفاصيل الكاملة لاستغاثة أم لتغيب نجلها عن البيت منذ قرابة شهر: هو والده عنفه شوية فزعل ومشى أنا خايفة يكون حصله حاجة هو ماعندوش صاحب

رصدت كاميرا موقع “بصراحة الإخباري” استغاثة إحدى السيدات بعدما تغيب نجلها عن البيت منذ قرابة شهر قائلة “ابني إسلام اتخانق مع باباه عادي ومشى وساب البيت أنا فكرته إن هو في الشغل لكن هو اتأخر ومارجعش تاني من وقتها وبالتحديد يوم 21 يناير الشهر الماضي”.

الأم:ارجع يا إسلام

وأضافت السيدة “ ابني ماعندوش صاحب وهو مايعرفش حد ومنطوي جداً وبالرغم من كدا كل الناس بتحبه، إحنا هنا كل الناس في محافظة بور سعيد بتحب إسلام والكل بيدور عليه بس ماحدش لاقيه”.

وتابعت الأم بعيون باكية “ أنا عايزة ابني يرجع هو اتخانق مع والده خناقة بسيطة بس هو زعل إن باباه بيعنفه ومشي هو عمره مافضل بعيد عني فترة كبيرة كدا أنا خايفة يكون حصله حاجة وكل الناس بتقول ماحدش شافه ولا يعرفوا عني حاجة”.