ممدوح حمزة عقب عودته لمصر: "في انفراجة وأتمنى متكنش عليا أنا بس"

نشر المهندس ممدوح حمزة، فيديو عبر حسابه في موقع التواصل الاجتماعي "فيسبوك" بعد عودته من الخارج.

ممدوح حمزة عقب عودته لمصر: في انفراجة وأتمنى متكنش عليا أنا بس

وقال "حمزة" في الفيديو: "قابلت لواء قالي إن مصر بترحب بولادها المخلصين وفاتحة دراعتها لأبنائها عشان يرجعوا بلدهم، وبلدهم تستفيد منهم. أنا عايش الكلام ده بنفسي، دي مرفت أختي، وابن أختي، والدكتور أسامة الغزالي حرب، وأنا معاهم، يعني دي حقيقة..إذا كان ده اتجاه الدولة حاليا، يبقى إحنا ماشيين صح، بس ياريت متقفش عند كده".

وأضاف: "هما قالوا البلد فاتحة دراعتها لأبنائها المخلصين..وأنا مبسوط جدا لأن أنا كنت جاي وبفكر يا أتاخد يا متاخدش، أول ما جيت افتكرت أني خلاص رايح، لحد ما قابلت أسامة ودخلت الصالة.. أرجو وبعد اللي أنا فهمته النهاردة، أن في انفراجة مش عليا أنا بس، هتبقى لكل أبناء مصر المخلصين، وأنا حاليا متجه للبيت وبطمنكم كلكم".

كما قال: "وصلت إلى مطار القاهرة، وطلعت من بوابة الطيارة، لاقيت راجل بيقولي حمد الله على السلامة، ساعدني في الشنطة اللي معايا، بعدها ودوني مكان كنت بروحه قبل ما أسافر من مصر وأدفع 500 جنيه، بس المرة دي دخلت ببلاش".