أشرف عبد الباقي يُحيي ذكرى وفاة الفنان علاء ولي الدين: مازالت أقرب صديق ليا

نشر الفنان أشرف عبد الباقي على صفحته على موقع تبادل الصور والفيديوهات “إنستجرام” عن الفنان الراحل علاء ولي الدينفي ذكري رحيله لإحياء ذكري رحيله.

وقال عبد الباقي: "ربنا يرحمك ياعلاء.. زي النهاردة من عشرين سنة أتوفي علاء ربنا يرحمه ويغفر له يارب وبرغم أن فات عشرين سنة علي وفاته لكنه كان ومازال اقرب صديق ليا"

واستكمل أشرف: "أول مرة أطلع عمرة كنتمعاه واحنا رايحين الكعبة قاللي بص في الأرض لغاية ما نوصل والكعبة تبقي باينة وأقولك بص وادعي ويمكن الحكاية دي بقيت اعملها مع أي حد يعمل عمرة لأول مرة وادعي لعلاء”.

وتابع قائلاً : “في حياته كنت بشوف الخير اللي بيعمله مع ناس كتير وأتعلم منه بشكل مباشر وغير مباشر".

وأضاف أشرف عبد الباقي قائلاً: “علاقتنا كانت أكثر من أخوات ومن خلاله كنت أشوف باقي أصحابنا لأنه كان كريم جداً ومضياف جداً وفي بيته كنت أحس اني في بيتي وان والدته الله يرحمها مثل والدتي اللي أتوفت وانا في سن صغير.. وخالد اخوه الله يرحمه ومعتز ربنا يكرمه ويخليه لأولاده زي أخواتي عندما كنت احس اني متضايق أروحله أتكلم معاه وارتاح.. لم يعدي يوم إلا عندما نتقابل أو نتكلم في التليفون نعرف أخبار بعض".

واختتمعبد الباقي: "يصادف يوم وفاته أول يوم عيد الأضحى وبعد ماوقف علي الأضحية أتوفي وكنا علي ميعاد يومها في المسرح لعرض مسرحية "لما بابا ينام" اللي انتهت بوفاته.. ربنا يرحمك ياعلاء ويصبر اهلك وأصحابك اللي أكيد مادام عرفوك عمرهم ماهينسو.