أشرف عبد الباقي يوجه رسالة مؤثرة للراحل علاء ولى الدين: كنا أكثر من أخوات

أحيا الفنان أشرف عبد الباقي ذكرى وفاة صديقه الفنان الراحل علاء ولي الدين، وعبر عنه فراقهبكلمات مؤثرة.

ونشر أشرف عبد الباقي عبر موقع تبادل الصور والفيديوهات " انستجرام" صورة للراحل علاء ولي الدين معلقًا عليها: " ربنا يرحمك ياعلاء.. زي النهاردة من عشرين سنة اتوفي علاء ربنا يرحمه ويغفرله يارب وبرغم ان فات عشرين سنة علي وفاته لكنه كان ومازال اقرب صديق ليا".

أشرف عبد الباقي وعلاء في مكة

وأضاف أشرف عبد الباقي: " اول مرة اطلع عمرة كان معاه واحنا رايحين الكعبة قاللي بص في الارض لغاية مانوصل والكعبة تبقي باينة واقوللك بص وادعي ويمكن الحكاية دي بقيت اعملها مع اي حد يعمل عمرة لأول مرة وادعي لعلاء ..في حياته كنت بشوف الخير اللي بيعمله مع ناس كتير واتعلم منه بشكل مباشر وغير مباشر".

وتابع عبد الباقي: "علاقتنا كانت اكتر من اخوات ومن خلاله كنت بشوف باقي اصحابنا لانه كان كريم جدا، ومضياف جدا، وفي بيته كنت بحس اني في بيتي، وان والدته الله يرحمها زي والدتي اللي اتوفت وانا في سن صغير وخالد اخوه الله يرحمه ومعتز ربنا يكرمه ويخليه لاولاده زي اخواتي وقت ماكنت احس اني متضايق اروحله اتكلم معاه وارتاح ، ماكانش يعدي يوم الا لما نتقابل اونتكلم في التليفون نعرف اخبار بعض".

ونوه أشرف: "وصادف ان يوم وفاته كان اول يوم عيد الاضحى وبعد ماوقف علي الاضحية اتوفي وكنا علي ميعاد يومها في المسرح لعرض مسرحية لما بابا ينام اللي انتهت بوفاته.. ربنا يرحمك ياعلاء ويصبر اهلك واصحابك اللي اكيد مادام عرفوك عمرهم ماهينسوك".