إنجي المقدم: معنديش مشكلة أقدم أدوار جريئة بشرط متكونش مبتذلة 

كشفت الفنانة إنجي المقدم، إنها ذهبت إلى طبيب نفسي، مضيفة: «مش شايفة أنها حاجة حد يتكسف منها، هو تعب زي أي تعب في الدنيا».

وأضافت خلال استضافتها مع الإعلامية أسما إبراهيم مقدمة برنامج «حبرسري»، المذاع عبر فضائية القاهرة والناس، مساء الخميس، أنها تفضل معرفة ما تمر به، متابعة: «أنا بحب أفهم نفسي وأشتغل على نفسي ولو عندي مشكلة أو عقدة أفهمها وأوجها وأنا رحت لكذا دكتور لأني كنت محبطة وبمر بفترة صعبة».

واستكملت: «لو في دور جرئ كفكرة ممكن أعملها إنما ابتذال بمشاهد ملهاش لازمة بمجرد أنها تبقى ترند وتبيع ويكون ملهاش لازمة أرفضها».

تصريح إنجى المقدم

كانت صرحت الفنانة إنجي المقدم في وقت سابق، قائلة:«أنا عرفت يعني اي فن وتمثيل على خشبة الجامعة الأمريكية.. وتلف الأيام واللاقيني موجودة هنا في وسط قامات كبيرة واساتذتي».

وواصلت: الشغف اللي بيحرك الإنسان، ظروفي العائلية مكنتش تسمح إني اكمل تمثيل هنا، الشغف اللي بيصبر الواحد على كل الاحباطات اللي بتيجي، وجوزي لما بحبط بيقولي اوعى تنسي أنتي بتمثلي اي، افتكري بتقبضي كام.