اتخدعنا فيها وطلعت مش بنت.. القصة الكاملة لاستغاثة سيدة من زوجة نجلها : ابني من ذوي الهمم وضحكوا علينا في الجوازة وبطالب يتعمل DNA للطفلة

في واقعة غريب من نوعها استغاثتإحدى السيدات بعد تعرض نجلها من ذوي الهمم، إلى حدث مؤسف عقب زواجه من إحدى الفتيات، حيث إنه فوجئ عقب زواجه منها بـ 3 أيام بأنها ليست بكرًا، على الرغم من أن أسرتها أكدوا ذلك أثناء إتمام عقد الزواج، ولكن تبين كذبهم مع مرور الوقت.

استغاثة امرأةمن زوجة نجلها

وقالت السيدة في بث “مباشر لموقع بصراحة” “ أنا كنت بدور على عروسة لابني علشان هو من ذوي الهمم وقولت لواحدة في المسجد إني عايزة عروسة وبالفعل جابتلي زوجة ابني واتقدمتلها وشرحتلها حالة ابني وهي من أول مرة وافقت واستعجلت على الفرح وبقت تلح علينا علشان نكتب الكتاب وحصل وعملنا الفرح بسرعة وبعدين اكتشفنا إنها مش بنت وإن خطيبها السابق اعتدى عليها وسافر وهي كانت حامل”.

وأضافت السيدة “ أنا جوزتها ابني على أساس أنها بكر رشيد ومارضتش تخالي ابني يلمسها وكانت بتتخانق معاه وتشتمه لحد ماهو كلم أهلها ومامتها قالت تعالى اكشف وكشفنا عند دكتوره وقالت إنها ليست عذراء، وأول ماعرفنا ابني طلاقها في الشارع قدام أهلها وخلاص”.

وتابعت “ بعد 8 شهور اكتشفنا إن في بنت اتسجلت باسم ابني وهو من ذوي الهمم ولا ينجب وعرفنا إن طليقته كانت حامل فيها من خطيبها واتجوزت ابني علشان تسجل البنت وتخبي اللي هي عملتها على حسابنا”.

وواصلت “ البنت كانت مخطوبة وخطيبها تعدى عليها وسابها وسافر السعودية، وهما كدبوا علينا لما كنا بنتفق وقالولنا إن ابني هو أول واحد تتخطب ليه.

واختتمت “سجلوا طفلة باسم ابني واكتشفنا إن البنت سنها أكبر من السن اللي اتسجلت بيه، عمرها كان سنة وهي استجلت على إن عمرها يوم، وأنا ابني من ذوي الهمم وشال بنت مش بنته ورفعنا عليهم قضية إنكار نسب.