بعد إطلالتها مع شقيق محمد رمضان.. زينة: قلبي بيدق لولادي فقط

لفتت الفنانة زينة لقطتها في مهرجان الأقصر للسينما الأفريقية بدورته الـ 12، أنظار الحاضرين خلال إطلالتها مع مدير أعمال وشقيق محمد رمضان وهي مرتدية فستان كامل باللون الذهبي.

وتسبب تلك الإطلالة في تداول بعض أقوال رواد السوشيال ميديا، عن وجود ارتباط بين محمود رمضان وزينة.

زينة وعلاقتها العاطفية

وفي وقت سابق، كشفت الفنانة زينة ببرنامج الإذاعي " أسرار النجوم "، أنها لا تعيش قصة حب حاليًا وقلبها يخفق لأبنائها فقط".

وأضافت زينة: " قلبي بيدق على طول مع ولادي، ومفيش قصة حب في حياتي ومعنديش وقت ومعنديش حاجة أديها لحد، وهبقى بظلم أي حد لأني مش هديه حقه أو أي اهتمام والاهتمام رايح في حتة معينة”.

وتابعت: "وابني سمع كلامي في الموضوع دا قبل كدا في أحد البرامج وقال لي إزاي بيتدخلوا في خصوصياتك وحياتك وقولت له عايزيني أتجوز وأكون مبسوطة، فرد عليّ وسألني هو أنت مش مبسوطة؟.. فقلت له بالتأكيد مبسوطة أوي، فقال لي قوليلهم إنك مبسوطة معانا ومحدش يقول لك الكلام دا مرة تانية، وهو عنده حق طبعا".

مسلسل العمدة

وتشارك الفنانة زينة بالسباق الرمضاني 2023، مع الفنان محمد رمضان بمسلسل حمل أسم " العمدة" وهو من إخراج وتأليف محمد سامي