.png "banquemisr")
بعد طرح أولى أغانيها.. ليلى أحمد زاهر لـ هشام جمال: أنت السبب في أي نجاح في حياتي
أعربت الفنانة ليلى أحمد زاهر عن سعادتها البالغة بنجاح أولى أعمالها الغنائية “كلمة أخيرة”، التي عرضت مؤخرًا عبر قناتها الرسمية بموقع الفيديوهات الشهير “يوتيوب”.
وكتبت ليلى أحمد زاهر عبر حسابها الشخصي بموقع التواصل الاجتماعي “انستجرام”: طول عمري بقول أنك دايما بتكون سبب في اي نجاح نجحته او بنجحه في حياتي بعد ربنا.
أغنية كلمة أخيرة
وأضافت: لكن المشروع ده أنا عايزة اشكرك عليه بشكل خاص قدام كل الناس لأني أول ما سمعتك الأغنية عشان أخد رأيك كنت مبسوط و فخور بيا جداً لأنك أول واحد وقفني قدام مايك و أول لما طلبت منك إنك تخرجلي الكليب ما ترددتش للحظة رغم انك كنت مشغول قوي و وراك ٣٠٠٠ حاجة ما شاء الله و مع ذلك مقصرتش معايا ولا مع الكليب لحظة و كل حاجة خدت حقها الحمد الله و ده يدل علي انك راجل محترف جداً في الشغل و علي المستوى الإنساني اخويا و اقرب صديق ليا الي دايماً بيشجعني و في ظهري.
وواصلت: شكرًا يا هشام علي كل لحظة اديتها للكليب ده من جوه قلبك و الحمدلله الرسالة الفنية الي أنت قدمتها في الكليب وصلت لناس كتير الحمدلله شكرًا يا اجدع و انضف اخ في الدنيا و ربنا يكرمك يارب في كل اعمالك الجاية و يارب دايماً ناجح.
أغنية كلمة أخيرة
جديرًا بالذكر أن أغنية "كلمة أخيرة" من كلمات محمد حسن وألحان وتوزيع إسلام زكي ومدير تصوير جلال الزكي ووإخراج هشام جمال ومن إنتاج شركة كروم برودكشن معين مطرجي.
جوجل نيوز
