معمولى سحر من 3 سنيين.. البلوجر لولا فاني تثير الجدل بتصريحاتها.. وتستغيث: عندي مرض مناعي وجوزي وأهله مانعين عني العلاج

كشفت البلوجر ليلى خالد البنا، عن تفاصيل تعرضها للسحر وتخلي زوجها عنها بعد إصابتها بمرض خطير في المخ.

وسردت البلوجر الشهيرة بـ «لولا فاني»، عن تفاصيل إصابتها بمرض مناعي خطير، لافتةً إلى أن زوجها تخلى عنها ، وذلك عبر صفحتها على موقع التواصل الاجتماعي «فيس بوك∙.

وقالت: «الموضوع دا بيقلب الدنيا، ويخرب بيوت ويدمر صحة ما تستهونش به، هنسمع من كل حد في الكومنتات لو ليه تجربة مع الحاجات دي».

تصريحات لولا فاني:

وتابعت: «هقول في اللايف ليه مش بظهر كتير الفترة اللي فاتت، حد قبل كدا اتعرض للسحر والشعوذة، الخلاصة السحر مذكور في القرآن لذا فهو موجود، فحسبي الله ونعم الوكيل في كل مؤذي، بصلي وبقرأ قرآن وبحصن نفسي».

واستكملت: «اتعرضت للسحر من واحدة من غير متوقعة وقريبة مني وآخر من تخيلت، وعلى فكرة 90% ستات، وقلة قليلة يكون راجل يكون بيعمل كدا، فقطعتها لما عرفتها، بنؤمن أن الحسد ممكن يؤدي للقبر لكن العمل والأسحار قبل ما يوديكي للقبر هيوديكي سواد في الدنيا، قعدت متعذبة 3 سنيين، معمولي من أيام الخطوبة كان معمولى بالمرض ويكون إما مرض مناعي أو سرطان وأنا اللهم لا حسد، عندي مرض مناعي في المخ Ms».

تعرض لولا فاني عن السحر:

واستكملت: «شبعوا من بيتي رشوا لي أعمال فيه، أنا بقيت بكره بيتي، وتأذيت جدا في صحتي وبنتي وجوزي وفي شغلي وكل مشكلتها في الدنيا إنها بتغير مني، وهمها إني هفشل لكني مش هفشل وهكمل، فحسبي الله ونعم الوكيل، ويا اللي عاوزة تشوفي تحطيمي ربنا ما يقدر لي دا، سوادك ظاهر على وشك، وبكرهك في الله، تعملي بالخراب والمرض والخيانة وعدم التوفيق في العمل».

وأضافت: «بقالي 9 شهور مش بدخل أوضة نومي، وعاملة مشاكل بيني وبين زوجي، ولما كانت تقوم بينا مشكلة تقولي يا مريضة، لكن الحمد لله إني بعرف أجيب علاجي، ما فيش حد بيحب يأذي حد كدا، علشان أنا خيري عليكي، للأسف من هينفع أقول أنت مين، لكن من جبروتك إنك معانا في اللايف، ولبسك وتدينك الظاهري لا يدل على سواد قلبك وحبك للشر، حتى زوجك لم يرحم من أعمالك وتعودك على عتبات الدجالين أعداء ربنا».